Hel Rug Caafimaad oo kugu Dhaw
Kaa caawinaya inaad ka hesho adeegyada daryeelka caafimaadka oo raqiis ah tayadooduna sarreeyaan Middle Tennessee
Haddii aad kujirto xaalad gurmad ee nolosha ama addinkaagu halis kujiro, WAC 9-1-1 ama BOOQO QOLKA XAALADDA GURMADKA EE UGU DHAW.
Ha isticmaalin My Healthcare Home.
Nagu saabsan
Haddii aad ka raadinayso daryeel caafimaad oo tayadiisu sarrayso, la heli karo, oo raqiis ah badhtamaha Tennessee, websaytka My Healthcare Home ayaa laguugu talogalay!
In ka badan konton rugood oo ku yaala badhtamaha Tennessee, shaqaalo wanaagsan oo dedaalaya ayaa adiga iyo qoyskaaga kuu heegan ah.
Daryeel raqiis ah inay helaan bukaanada oo dhan ayaa u muhiim ah rugaha caafimaadka My Healthcare Home. Tani waxay ka dhigan tahay rugaha caafimaadku waxay ku saleeyaan lacagta ay kaa qaadayaan dakhligaaga iyo xajmiga qoyskaaga. Rugahayaga caafimaadka oo dhan waxay u adeegaan dadka caymiska caafimaadka aan lahayn. Rugo badan ayaa aqbala caymiska caafimaadka – TennCare, ObamaCare, ama loo-shaqeeyaha kusalaysan.
Rugaha caafimaadka My Healthcare Home waxay bixiyaan daryeel caafimaad oo aasaasi ah ilaa mid takhasus ah, oo ay kujiraan ilkaha iyo caafimaadka maskaxda. Rugaha caafimaadka qaar waxay bixiyaan adeegyo badan; halka kuwa kalena adeegyo kooban bixiyaan.
Dhammaan rugaha caafimaadka My Healthcare Home waxa ka go’an inay bukaanka siiyaan daryeel tayadiisu sarrayso waxayna xubno ka yihiin Safety Net Consortium of Middle Tennessee (Ururka Shabakadda Badbaadada ee Badhtamaha Tennessee). Shan iyo tobankii sannadood ee tagay iyo waliba dheeraad, Rugaha caafimaadka Safety Net (Shabakadda Badbaadada) waxay ka wada shaqeeyaa oo barteen wanaajinta caafimaadka iyo adeegyada daryeelka caafimaadka ee dadka saboolka iyo bilaa caymiska ee Nashville iyo Middle Tennessee.
